სტიქიური მოვლენები მსოფლიოსნებისმიერი ქვეყნისათვის ერთნაირად სახიფათო და შიშის მომგვრელია. ისინი მნიშვნელოვან ზარალს აყენებენ ქვეყნების ეკონომიკას და ხშირად
იწვევენ ადამიანთა მსხვერპლს. სტიქიური კატასტროფებისაგან მოსახლეობის დაცვა, მიწების
შენარჩუნება და საინჟინრო ობიექტების უსაფრთხო ფუნქციონირება დიდი ხანია იქცა
უმნიშვნელოვანეს სოციალურ-ეკონომიკურ, დემოგრაფიულ, პოლიტიკურ და ეკოლოგიურ
პრობლემად მთელი მსოფლიოსათვის და განსაკუთრებით _ მთიანი ქვეყნებისათვის. ეს პრობლემა
უფრო მწვავედ იჩენს თავს ბოლო ხანს, კლიმატის გლობალური ცვლილებებისა თუ ადამიანის
ზემოქმედებით გამოწვეული კატაკლიზმების პირობებში, რადგან უფრო ფართო მასშტაბით
იზრდება ბუნებრივი კატასტროფების საშიშროება, რასაც, თავის მხრივ, მოსდევს უზარმაზარი
ეკონომიკური ზარალი და ადამიანთა მსხვერპლი.
მსოფლიოს ექსპერტების მონაცემებით, დედამიწაზე ყველა სახის სტიქიური მოვლენის
(ჰიდრომეტეოროლოგიური, გეოლოგიური, გეოფიზიკური და სხვა) საერ|თო რიცხვიდან, სტიქიურ
ჰიდრომეტეოროლოგიურ მოვლენებზე 60, ხოლო ამ მოვლენებით გამოწვეული საერთო
მატერიალური ზარალის – 80 %-ზე მეტი მოდის.